Логотип Казан Утлары
Татар матбугаты

1917 елда Петербургта нәшер ителгән татар газетасының беренче саны табылган

1917 елда Петербургта басылган мөселман газетасының беренче саны Вәлиди исемендәге Милли китапханәнең фондларыннан табылган. Бу хакта “Башинформ” мәгълүмат агентлыгы хәбәр итә. 2017 елның 24 декабрендә “Әл-Мөнбәр” газетасының нәшер ителә башлавына 100 ел тулды. 2015 елда, ягъни 98 ел узгач, Санкт-Петербург һәм Ленинград өлкәсе мөхтәсибәте тарафыннан яңадан чыгарыла башлаган “Әл-Мөнбәр” газетасының беренче саны тәкъдим ителгән. Узган ел исә, декабрь санында бу басманың иң әүвәлге саны турында мәкалә һәм фото бирелгән иде, дип яза “Башинформ”. Белешмә: “Әл-Мөнбәр” газетасы – 1917 елда Петроградта (Санкт-Петербург) чыккан татар милли-дини газетасы. Ул ислам дөньясы һәм бигрәк тә, Төркия турында күп язган. Беренче саны 1917 елның 24 декабрендә, “Әманәт” ширкәте типографиясендә басыла. Аның барлык саннары да шул ширкәт матбагасында нәшер ителә. Газет атнага бер тапкыр, 4 битле булып чыга. Һәр санында диярлек бик озын һәм имзасыз язылган өч-дүрт сәяси мәкалә урнаштырылган була. Газетның гомере кыска була, ул 1918 ел башында ябыла. Нашире – “Әманәт” ширкәте мөхәррире Муса Бигиев, актив язышучылары исә – Кәрим Сәгыйд һәм Әхмәт Таҗетдин.
 Мөршидә Кыямова, Татар информ

Иң мөһим һәм кызыклы язмаларны Татмедиа Telegram-каналындаукыгыз

Нет комментариев