Йокысыз ятканда төн ката

Йокысыз ятканда төн ката

Хәтергә ияреп, уй кайта.

Шул хәтер кадерсез уйларны

Уйната, тузгыта, уята…

Ә төннең күзләре үтәли каезлап,

Бәгырьнең төбеннән зар эзли…

Һәм таба!

Ут каба җаныңа, төн яна –

Төн гүя хөкемдар дөньяга.

Ул – казый, ул – хуҗа уйларга…


Фәрдилә Яр

"КУ" 04, 2022

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: