Тәрәзәмә йолдыз кунды бүген...

Тәрәзәмә йолдыз кунды бүген,
Әйе, әйе.
Хәтерләмим, синең күзләрең дә
Йолдыз кебек
Зәңгәр иделәрме?
Зәңгәр кебек...
Алар да бит йолдызлардай
Карый иде көлеп.
Тәрәзәмә йолдыз кунды бүген,
Чынлап, чынлап.
Онытмадым, йолдызларны чүпләп,
Йөри идек икәү
Сукмак буйлап...
Япь-яшь идек...
Йолдыз кебек чая карашларың
Бага иде сөеп –
Тәрәзәмә кунган
Сүнмәс йолдыз кебек…

 

"КУ" 03, 2021

Фото: архив

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: