Томан аша ни күренә?

Томан аша ни күренә?

Кемгәдер

Якты көнне томалаган

Төн күренә.

Кемнеңдер

Йөрәгенә кармаланып

Шом үрелә.

 

Томан аша ни күренә?

Кемгәдер

Табигатьнең зәңгәр күзләрендә

Элпә белән яшеренгән

Моң күренә.

Кемнеңдер

Хыял аланында

Иртәнге чык тамчысына

Сер төренә.

 

Томан аша ни күренә?

Кемгә дә

Киләчәккә-күрәчәккә

Юл күренә.

Кемнәрнеңдер

Язмышының арбасына

Чор эленә.

Шул арбаның

Тәгәрмәче асларында

Кемнәрнеңдер

Уй-хыялы – чәлпәрәмә...

 

Томан аша ни күренә? –

Кемгә – ни...

 

"КУ" 12, 2016

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: