Әти

Әти!

Сине сагынуым шул кадәрле көчле!

Ишетәсем бик килгәнгә,

тавышыңны... ишетәм дә төсле...

Җәһәт-җәһәт тезгән төпле адымнарың

Зар-интизар булам

Бер күрергә янәшәмдә тагын.

Синең акыллылык, синең сабырлыкны,

Киңәшләрең (бер аксакал бирмәс)

Һаман әле терәк итеп тоям.

Синле дөньям – башка үлчәүләрдә!

Синле дөньям – төсле кино сыман!

Ничек кенә бары бер мизгелгә

Үксез җанны кабат алдалыйсы? –

Зикер итәм...

...Нәүмизлекнең һәр сәйләне саен:

«Кайтып керер»,

«Кайтып керер»,  

«Кайтып керер»...

Туган көнем...

Син түзмәдең!

Ишектән үк колач җәеп килдең!

Бар зарыгу белән атылдым!

Синең кочак кына шундый! – бәхет үзе!

Шул тойгыны миңа... төшләремдә

Газиз бүләк итеп калдырдың...

Ландыш Равилова.

 

"КУ" 09, 2022

Фото: unsplash

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: