Соңлаган сөю

Кем уйлаган, көзләр килү белән, Сөю килер диеп яңадан. Әйтерсең лә күңел яралары Булмаган да, күптән ямалган. Йөзләремә еллар эзен салган, Чәчләремне кырау каплаган. Тынгы белмәс ярсу йөрәк кенә Яшьлек дәрманлыгын саклаган. Саф йөрәгем гүя серле сандык, Уй-хисләрем тирән бикләнгән. Шул ачкычны тапшырырдай кеше Синме икән, диеп шикләнәм.

Самия Тимербаева

Башкортстанның Бишбүләк районы Ает авылында туып үскән. Белеме буенча филолог. Соңгы ун елда Италиядә яши. Шигырьләрендә туган якка, татар халкына, татар теленә мәхәббәт, сагыну хисләре, мәхәббәт лирикасы өстенлек итә.


Авторның башка шигырьләре белән "Казан утлары" журналының 12нче (декабрь,2015) санында таныша аласыз.

Нравится
Поделиться:
Реклама
Комментарии (0)
Осталось символов: