Син булганга

Мин яратам бу тормышны
Син булганга.
Миңа якын бу сукмаклар
Син узганга.
Очыныплар кайтам өйгә
Тик син диеп.
Син булмасаң, тәрәз күзлим,
Янып-көеп.
Синең караш, синең сүзләр
Озата гел дә.
Тик син диеп, өзгәләнеп,
Яшим өндә.
Еласам да, елмайсам да,
Сәбәпче – син.
Янымда син булсаң гына,
Яшь, сылу мин.
Үзем турында онытып,
Сине уйлыйм.
Йолдыз атылса, теләкне
Сиңа юрыйм.
Төшемдә дә, өнемдә дә
Гел син, иркәм.
Ә мин үзем синең өчен
Әйт, кем икән?

"КУ" 03, 2021

Фото: pixabay