Остазыма мәдхия

Гыйлем эзләп сусаганда

Каян табыйк икән җавап?

Кичен күккә караганда

Кайсы якны алыйк сайлап?

Сорау томан күтәргәндә,

Давыл чыгарганда хата,

Хәлдән таеп арган мәлдә –

Фикер сазлыкларга бата.

Якты йолдыз очрагачтын

Күзләребез тапты сукмак.

Остазым, син юлны ачтың,

Синең сүзең гүя кочак!

Эндәшүең – игътибар, наз.

Күзләреңнән тоям серең.

Остазым, һәр карашыңнан

Гыйлем нуры балкый синең.
 

Раян  Шакиров 

"КУ" 02, 2024

Фото:unsplash