Күз яшемне күргәннәр аз...

Күз яшемне күргәннәр аз,

Синең хәтта күргәнең юк.

Мескен итеп күрсәтерлек

Әрсез, ямьсез күлмәгем юк.

Чирле чагым күргәннәр аз,

Чирдән башым чыкмаса да…
Чыраемны сытып йөрмим,

Тормыш кат-кат тукмаса да…

Җүләрләнеп сөйгәнемне

Белүчеләр санлы гына.

Йөзем ачык һәркемгә дә

Ача алмыйм җанны гына… 

Фәрдилә Яр

"КУ" 04, 2022

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: