Дөнья – тоташ сынау бугай...

Аякларны җиргә тарта

әйтелмәгән сүз әрнүе,

еланмаган яшь диңгезе

күзләремне күккә төртә.

(Һәрбер сүзең – миңа дога).

Һәрбер караш канга бара,

кысып куя чигә турын,

тынып кала кара гавам –

хәрәмләшми уйнау кала.

(Дөнья – тоташ сынау бугай).

Казан – тоташ сайлау бугай

үз-үзеңне мең сурәттә.

Хисем аякларга күчә –

миңа шулай яшәү кулай.

(Син бирешмә шикләреңә).

Син карышма өметеңә,

мин чиксезлек кадәр синдә,

(син чиксезлек кадәр миндә).

Белмәм, бары әйтә генә.

Аякларга күчә хисем,

аякларны тарта җиргә.

"КУ" 10, 2019

фото: pixabay

Нравится
Поделиться:
Реклама
Комментарии (0)
Осталось символов: