Бүләк

Син яшисең җирдә. Һәр мизгелдә
Барлыгыңны тоям җаным белән.
Яннарымда бары син булганга
Тормыш өермәсен җиңеп киләм.
Син яшисең җирдә. Кояш һәм ай –
Олы мәхәббәткә шаһит алар.
Без бит бәхет өчен яратылган!
Җилләр ярсып-шашып кабатлыйлар.
Син яшисең җирдә. Язмышыма
Бүләк булып. Ходай миңа биргән.
Күпсенмәче, дөнья, бәхетемне,
Яшим әле ярсу йөрәк белән.

"КУ" 4, 2020

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: