***

Тукайга да бәсләр кунган

Тойган кебек вазгыятьне.

Ул мәдхия җырлаган тел

Күрмәсме соң кыямәтне?

Тукайга да бәсләр кунган...

И туган тел, бәгырькәем,

Өшетмичә, туңдырмыйча

Саклый алсын сине һәркем.

Тукайга да бәсләр кунган,

Табигать бу, кышкы салкын.

Телең телгә йокмасын, дип,

Телим сиңа газиз халкым.

"КУ" 1, 2019

Фото: art16.ru. Картина авторы: Рушан Шамсутдинов

Нравится
Поделиться:
Реклама
Комментарии (0)
Осталось символов: