Гомер ага…

Сары яфрак бураннары – сагышкамы?

Нигә моңсу – Көзем Кышка авышамы?

«Алтын ява!..» – дип сөенә бала-чага…

Алтын ява… Нигә күңелем чуарлана?

Аллы-гөлле күбәләкләр тибрәлешеп

Җиргә куна… Кар-буранда үлмәс өшеп.

Үлмәс өшеп… Җил-каната оча ничек!..

Көзләремме Кышка уза, мизгел кичеп?

Гомер ага… Җиде Күкләр әмереме,

Олуг җиде Могҗизаның ул береме?..

«Алтын ява!» – дип сөенә бала-чага…

Сары яфрак бураннары… Гомер ага.

Наҗия Саттарова. Арча

"КУ" 4, 2017
Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: