Сүзләр анархиясе

Кайнап-кайнап чирәм чыккан,

Тай күк, керт-керт...

Утлап йөрисе килә.

Зиннур Мансуров

 

Кайнап-кайнап, чирәм чыккан

Чыгып ятасы килә.

Сүзләр сайлап, шунда шигырь

Язып атасы килә.

 

Керт-керт шикәр уртлап эчсәң,

Чирәмнән чәй кайнатып,

Төче сүзле, татлы шигырь

Яз гына, сүз уйнатып.

 

Кайнап-кайнап, шигырь чыга

Йөрәгемнең түреннән.

Уй-хисләр анархиясе

Сүзләремдә күренә.

 

Кайнап-кайнап чыккан чирәм,

Җитмәгән әмма пешеп.

Кайнаган сүзләр сайласаң,

Шигырең чыгар өшеп.

 

"КУ" 10, 2020

Рәсем авторныкы

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: