Логотип Казан Утлары
Уены–чыны бергә

Шәхесләр чираты

Мин аны балыкчыга охшата идем...

Мин үзем күп еллар сатучы булып эшләдем. Китапны, әдәбиятны бик яратсам

да, хезмәт сукмагым ул юлдан китмәде шул...

Г.Камалның оныгы, Әнәс Камалның кызы, Рәис Даутовның (язучы) хатыны Диләрә

Әнәсовна миңа: «Миңлегөл, бу сиңа хас эш түгел бит, каян килеп кердең сату эшенә?»

– ди торган иде. Рәхмәт аңа, миңа шундый бәя биргәне өчен.

Әйе, 32 ел гомерем сату эшендә, күбесенчә Кызыл Байрак урамындагы яшелчә

кибетендә үтте. Кешеләрне бик ярата идем, күңелем киң, бәлки, шуңадыр сату эшен

дә үземчә яраттым. Әмма сату гадел эш түгел инде, бигрәк тә без эшләгән заманда

әйберләре дә юк иде бит, гел таныш-белеш аша аласы иде. Кешедә юк, ә миндә бар.

Бу гаделлекме? Нишлисең, язмышым шулай булгандыр, дип юатам үземне.

Әмма шунысы куанычлы: кибеттә эшләү дәверендә күпме күренекле кешеләр белән

очрашырга, үзләре белән сөйләшергә туры килде. Алар белән күрешеп кенә калган

мизгелләр дә минем өчен бик кадерле...

 

Салих Баттал. Салих абыйның ни өчендер нәкъ менә кышкы киемнән кереп

йөргән чаклары истә калган. Өстендә тун, сырган калын чалбар кигән, башында

лётчиклар бүреге. Мин аны балыкчыга охшата идем. Зур, таза гәүдәле кеше. Хатыны

белән икәүләп керерләр иде. Әйберләрне Салих абый үзе ала, ул күп сөйләшми торган

кырысрак табигатьле булып тоела. Ә хатыны кара кашлы, кара күзле, бик чибәр хатын,

аны биюче, диделәр. Ире әйбер алганда, кырыйда елмаеп кына басып торыр иде.

Салих абый сугыш вакытында очучы булган. Самолёты янган килеш җиргә төшеп

утырган, шуннан исән калган. Ә картаймыш көнендә өендә янып үлгән дип ишеттем,

дөрес булса...

Дәвамы бар.

 

"КУ" 12, 2019

Фото: stihi.ru

Иң мөһим һәм кызыклы язмаларны Татмедиа Telegram-каналындаукыгыз

Нет комментариев