Тутырма

Тутырмага итле эчлекне өчпочмакка ясаган кебек әзерләргә. 1 кг итне һәм бәрәңгене вак итеп турарга. Шуңа вакланган суган, тәменчә тоз, борыч кушарга, азрак шулпа өстәргә һәм яхшылап болгатырга.

Эчлекне эчәккә тутырырга, шартламасын өчен берничә урыннан энә белән тишкәләргә һәм тутырмаларны кайнар суга пешерергә салырга.

Тутырманы йөрәк, үпкә-бавырдан да әзерләргә була. Ул чакта аңа ярма кушарга кирәк. Үпкә-бавырны иттарткычтан чыгарырга. Суган, тоз-борыч һәм ярма (карабодай яки дөге), шулпа кушарга. Карабодайга шулпа азрак, дөгегә күбрәк кирәк. Чөнки дөге пешкәндә арта. Ярманы бүрттермим. Бүрттергән очракта шулпа азрак салына.

Тутырманы 1-1,5 сәгать кайнатырга. Пешеп чыккач, кайнар судан алып, бераз корытып, үсемлек мае салынган табада кыздырырга.

 

vk.com

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: