Табынга тәмле кабымлык

Бәрәңгене эре угычтан уып, өстеннән салкын су йөгертәбез һәм саркытырга куябыз. Ул арада 1:1 исәбеннән йомшак сыр (плавленый) һәм русчалатып әйтсәң творожный (сливочный) сырны бергә кушып, шуңа чама белән генә туралган яшел укроп салабыз.
Саркыган бәрәңгегә берничә бүлем сарымсак кыргычлап, тоз һәм кара борыч өстибез. Майлы табага берәр кашык салып ике ягын да кыздырып алабыз. Суый төшкәч өстенә әзер кремны сылап, кызыл балык һәм яшелчәләр белән бизибез.

Ашларыгыз тәмле, табыннарыгыз ямьле булсын!

Рецепт һәм фото авторы - Рамилә Закирова @ramilya_zakirova86