Үрдәк

Үрдәкне 1 тәүлек тозлы суга салып тоттым. Судан алып, маринад белән эчен-тышын ышкып, тагын 1 сәгатькә калдырдым. Фольгага төреп, 200 градуслы кызган мичкә пешерергә куйдым. 1,5 сәгать пеште, аннан фольганы ачып, калган маринадны үрдәк өстенә сылап, янәдән 30 минут кызартып алдым.

Маринад өчен: ярты стакан соя соусы, 1 аш кашыгы бал, 4 аш кашыгы гранат соусы, 4-5 тырнак сарымсак, 2 аш кашыгы үсемлек мае.

 

Рецепт һәм фото авторы Раилә Нургалеева; vk.com