Манный ярмасыннан коймак

Кирәкле ингредиентлар

• 300 гр. манный ярмасы;
• 250 мл. кефир;
• 50 мл. су;
• 2 аш кашыгы шикәр комы;
• бер чеметем тоз;
• 2 йомырка;
• бер чеметем сода;
• бер чеметем дарчин (корица);
• үсемлек мае.

Эш тәртибе

• Йомырка, тоз, шикәр комы һәм дарчинны савытка салып, блендер белән күбекләнгәнче болгатыгыз.
• Кефир салып, яңадан күпертегез.
• Манный һәм сода өстәгез. Төерләр беткәнче, бутагыз.
• Камырны 1-1,5 сәгатькә суыткычка куегыз.
• Табага бераз май салып җылытыгыз, аннан утны киметегез. Кашык белән берничә коймак салып, капкач белән каплагыз.
• Бер ягы кызаргач, коймакларны калак белән әйләндерегез. Тагын капкач ябыгыз.
• Майны сеңдерү өчен, пешкән коймакларны салфеткага яки кәгазь тастымалга куя барыгыз.

Татар ашлары