Койка

Халыкта киң таралган ризык. Аны әзерләү өчен желатинга бай ит - баш-аяк, колак ите һәм балтыр сөяге кирәк. Өтелгән баш-аяк, колак итен, кыра-кыра җылы суда юып, 3-5 сәгать салкын суда тоталар. Аннары яңадан җылы су белән юып чистарталар, ваклап чабалар һәм, тирән савытка салып, өстенә салкын су (1кг га - 2 л су) агызалар. Көчле утта кайнатып алалар. Шулпаны, коры табада кыздырлган башлы суган, кишер салып, сүрән утка куялар һәм 6-8 сәгать чамасы - ит изелеп беткәнче кайнаталар. Пешкәндә  өстендәге өресен җыеп торалар. Койканың өстендә май булмаска тиеш, чөнки салкын туң май ашау өчен авыр. Пешеп җитәрәк, лавр яфрагы, тоз, борыч салырга кирәк. Шулпаны сөзгәч, итне кайнар килеш сөягеннән аералар. Әгәр шулпада җелатин аз булса, 1 л га 30-40 г исәбеннән изелгән желатин салып, шулпаны кайнатып алалар. Итне ит тарткыч аша да чыгаралар, тик аны артык вакламаска кирәк. Иң  яхшысы - вак кына турап яки тагаракта чабып салу. Шулпага чапкан итне салып, 30-45 минут кайнаталар, тоз, борыч өстиләр. Аннары бераз суытып, тутыкмый торган савытларга бүләләр, ваклап туралган сарымсак сибеп болгаталар. Сарымсакны шулпада кайнатырга ярамый.

1 кг иткә:

  • 30 ар г кишер һәм суган
  • калганнары - кирәгенчә

Тәмле булсын!


Фото: russia-travel-guide.com

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: