Баллы казылык

Кирәк:

700 гр печенье (мин топленый дигәнен алдым)

3 кап сыер мае

2 аш калагы какао

250 гр шикәр комы

ике уч әстерхан чикләвеге

3 чи йомырка

Эш барышы:

• печеньены нык изми ваклыйбыз, кисәкләре күренсен;
• печеньены 3 йомырка сытып әстерхан чикләвеге белән бутыйбыз;
• кәстрүлдә 3 кап май, какао, шикәр комы салып, кайнап чыкканчы утта тотабыз, бутыйбыз;
• кайнар килеш печенье янына салып бутыйбыз;
• пакетларга салып тыгызлап казылык формасына китерәбез.

Чәйләрегез тәмле булсын!

Рецепт һәм фото авторы - Тәския Вагизова; vk.com