Теләк

Бәхетле шул – балачакта
Кемгә кояш сөеп баккан,
Кем татыган ана назын!
Җанга сары сагыш сарган
Көзге яңгыр яуган чакта
Кем хәтерли гомер язын!
Бәхетле шул – туган якта
Кем якын җан дуслар белән
Урам буйлап җырлап килә...
Бәхетле шул – сука тотып,
Кем басуда иген игә,
Икмәк җитештерә илгә!
Бәхетле – кем дан казана
Акылы һәм эше белән.
Кемгә халкы хөрмәт белән,
Колак сала фикеренә.
Кем атасы сүзен тота –
Хөрмәт яулый үз атына!

К о с т а
Х е т а г у р о в

«КУ» 10, 2026

Фото: Индира Габдуллина