Юлчы килгән

Юл тузанына күмелеп,

Юлчы килгән – каршы ал!

Икмәк куй да алларына,

Самавырга күмер сал.

 

Тормыш юллары, дип юкка

Әйтмидер инде халык.

Юлга ашыгып чыкмыйк без

Һәм чыкмыйк соңга калып.

 

Юлга ашкына йөрәкләр,

Өметле күзләр – юлда.

Күктә – кояш! Хәерле юл

Телидер безгә ул да...

 

"КУ" 09, 2018

Фото: pixabay

Теги: поэзия

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: