Ышаныч
Милләт язмышы сынала.
Сират күпере – алда.
Кемнәр баш җуеп егылыр,
Кем агып китәр салда?!
Бүген кирәк көл астыннан
Күтәрелү гөл булып.
Керсен ачык йөрәкләргә
Ирек җиле, ургылып.
Байрак итеп, йөрәкләрне
Күтәрик баш очына –
Маяк булсын юл билгесе
Кыю ирек кошына.
Дәүләтле дә булганбыз бит,
Яңартыйк милләт антын.
Сират кичәрлек гайрәтне
Табарсың, беләм, халкым!
"КУ" 07,2021
Фото: unsplash
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84