Йөгерек дулкыннар диңгездә...

Йөгерек дулкыннар диңгездә,
Йөгерек дулкыннар күңелдә,
Күбеккә чолганган дулкыннар
Күңелдә бәйләнгән Иделгә.
Диңгездә йөгерә ак дулкын,
Иделдә җемелди ап-ак кар.
Яз җитәр, ташкынга әйләнеп,
Диңгезгә кушылыр ак карлар.
Ак дулкын, ап-ак кар – бер дөнья,
Бу аклык бик якын күңелгә,
Әйтерсең, ак карлар Иделдән,
Чук булып дулкынга чигелә...

"КУ" 03, 2021

Фото: pixabay