Язмышларым әкияттәге төсле

Язмыш миңа ятимлеген биргән,

Хакимлеген биргән урманның.

Ылыс шавы, яфрак шыбырдавы –

Эшчәнлеге минем кулларның.

Язмыш миңа үги ана биргән,

Үгилекнең биргән баланын...

Үги: «Балам», – дисә, баланнарга

Таң тамчысы булып тамамын.

Язмыш миңа сөяр ярын биргән

Һәм сөюнең биргән бөеген:

Кыш аенда чыршы әйләнәли

Ай егете белән биедем.

Кыш өстеннән язлар йөгереп узды,

Кыңгыраулар гөлдә чыңлады...

Язмышларым әкияттәге төсле,

Әкиятләрнең азмы чыннары?!

 

"КУ" 02, 2019

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: