Яшә, илем!

Бер офыктан бер офыкка кадәр

Матурлыклар – гүя рәшәләр.

Мәңгелеген хәтерендә тотып,

Илем яши, илем яшәрә.

 

Ата-баба мирас иткән туфрак,

Баш орасы башка җирем юк –

Син табышым минем, җан тавышым,

Син язмышым минем, Идел-йорт!

 

Йөз ел яшә, илем,

Мең ел яшә!

Һәр дәверең булсын яхшырак! –

Шанлы үткәннәрдән алып сине,

Данлы киләчәккә тапшырам!

 

Иман нуры, гайрәт, хезмәт яме

Һәр тарафта – кая карасаң,

Син табышым минем, җан тавышым,

Син язмышым минем, Татарстан!

 

Йөз ел яшә, илем,

Мең ел яшә!

Һәр дәверең булсын яхшырак!

Шанлы үткәннәрдән алып сине

Данлы киләчәккә тапшырам!

 

"КУ" 5, 2020

Фото: hazinatur.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: