Яңгыр һәм кар, боз һәм томан...
Яңгыр һәм кар, боз һәм томан... –
Аерым-аерым яши сыман.
Бер-беренә охшамаган:
Һәркайсы бер үзгә җиһан.
Тик үзәннән аккан елга –
Алар өчен уртак дөнья.
Бу дөньяда алар бер тиң.
Әйтеп кара: кем кемнән ким?!.
Барыр җирләре дә уртак:
Дәрья көтә суга сусап.
"КУ" 09, 2021
Фото: pixabay
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84