Уйлар, уйлар...

Уйлар, уйлар...

Кайчак алар – тып-тын

Җәйрәп аккан елга агымы,

Кайвакытта күңел ярсулана,

Әйтерсең лә диңгез давылы.

Уйлар, уйлар...

Кайчак күккә аша,

Галәмнәрне кайта әйләнеп.

Кайчак болыннарда чалкан ята,

Чәчәкләргә иркә бәйләнеп.

Уйлар, уйлар...

Төрле-төрле була,

Агы була, кайчак – карасы...

Уйлар, уйлар – кеше яшәеше –

Туу белән үлем арасы.

 

"КУ" 10, 2016

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: