Тирән күлдә әбиләр чуагы

Купшы яфраклардан алтын җәймә.

Шәмнәр булып рәт-рәт каеннар.

Ефәк пәрдә булып, каен яфраклары

Кояш нурларына сыена.

Тирән күлнең вак-вак дулкыннары,

Бер фирүзә төсле, бер сапфир,

Тирән күлдән күзем алмый торам,

Табигатькә гашыйк – мин, фәкыйрь...

Күк йөзенең ачык, көләч мәле,

Зәңгәр гөмбәз – күлгә кайтаваз.

Әмма... көзләр күпме елмайса да,

Җәйләр инде кире кайталмас...

"КУ" 03, 2018

Фото: pixabay