Тимер арба

Тимер арба кыңгыравы

Чыңлый да чыңлый гына.

Күңелдәге тиле уйлар

Тынмый да тынмый гына.

Уянып китәм салкыннан,

Чыгам да китәм юлга.

Бернәрсә дә сөендерми,

Сәбәп юк елмаерга.

Уянып китәм яшәүдән,

Тирәмдә – чынлык кына.

Котылырмын күк гамемнән

Юлларга чыгып кына.

Тимер арба кыңгыравы

Чыңлар да чыңлар һаман.

...Кешеләрнең күңелләре

Тимердәй каты заман.

"КУ" 06, 2018

Фото: pixabay