Тавык төше

Адым саен төшкә тары керә,

Туйдым инде тавык төшеннән;

Әтәчләре, белмим, кая карый,

Тары чүпли тавык түшемнән.

 

Туйдым инде тавык бәхетеннән,

Әтәчләнеп килә карыйсы.

Әйтте кемдер: тамак киер дә бер,

Читәнеңә сикер!

Ярый соң!

 

Ки-кри-күк тә чыкмый, читәне дә

Биегрәк булып чыкты шәй,

Тарысы да таралды да бетте, –

Эсселәре белән сукты җәй.

 

Инде төшкә бернәрсә дә керми:

Тавыгы да керми, тары да.

Әйтте кемдер:

                            нәфесеңне тый да,

Шөкер итеп яшә барына!

 

"КУ" 10, 2020

Фото: pixabay

 

Теги: шигырь

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: