Татар кызы судан кайта

Татар кызы судан кайта,

Басмалар чайкала шул.

Өлгереп килгән хисләре

Сулардай чайпала шул.

Күкрәгенә алып салган

Озын калын толымнар.

Шомырт кара толымнарга

Үреләсе җырым бар.

Татар кызы судан кайта,

Атлаулары бик җиңел.

Су юлында бәхетеңне

Табарсың әле, сеңел.

 

"КУ" 06, 2019

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: