Тамчылап...

Тамчылап яңгыр сибәли,

Тамчылап уза сәгать.

Р.Мөхәммәтшин

Бәхет гел тамчылап килә,

Хәсрәт килә ишелеп.

Башлар түбән иеләләр,

Кеше кала киселеп.

Шатлык килсен дә ишелеп,  

Кайгылары килмәсен!

Борчу-хәсрәтләрдән хасил

Җан җөйләре имләнсен!

Гомер юллары кыска шул,

Мизгелгә тиң бу тормыш.
Кыска булса да, син аны

Матур үтәргә тырыш!

Матур  ничек була дисең? –

Үкенерлек булмасын!

Моң касәң бәхеткә тулсын,

  Хәсрәт белән тулмасын!

Ник ыргылып чаба вакыт,

Куалармы камчылап?

Гомеркәйләр озын булып,

Үтсә иде тамчылап! 

"КУ" 11, 2023

Фото: unsplash