Сурәт
Өзелеп төшкән дә җаныңнан,
Иртәнге тынлыкка сыенган −
Елмаю − сурәтең бизәге.
Уяну − бер мизгел. Аннары,
Куалап таңнарны, самими йөзеңә
Кыргый көн кизәнер.
Умырып ыргытыр төшләрең,
Кала дип, эшләрең,
Озатыр кабат яу кырына...
Алай да, елмаеп уян син.
Иртәнге үзеңне яратам,
Шул гына.
"КУ" 07, 2020
Фото: pixabay
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84