Сәмави бәйләнеш

«Сынамышлар» шәлкеменнән

Чишмә җырлый белми, юл алмыйча;

гали затлар туа еламыйча.

Кара җиләк уңмас, ел килмичә;

күтәрелеп булмас егылмыйча.

Шәфәкъ уты сүнә, чаң какмыйча;

әүлиялек иңми чалланмыйча.

Чабышкылар аумас, төс салмыйча;

милләт... телен бирмәс тешләшмичә.

Пәри туе тынмый, яшь таммыйча;

фидаилар китми яшьнәмичә...

Чишмә җырлый белми, юл алмыйча;

тамырлылар яши югалмыйча.

"КУ" 6, 2020

Фото: sntat.ru