Шулкадәр тын ага елгалар...

Шулкадәр тын ага елгалар,

елгалар шулкадәр тын ага.

«Су үргә акмас», дип җырларлар.

Тыңлама беркемне, тыңлама!

Кышларның төннәре бик озын.

Сабырың беткәндә кышларда,

«Бу елны яз килми», диярләр.

Ышанма ул сүзгә, ышанма!

Шулкадәр тын ага елгалар,

бардыр ла үрләргә акканы.

Язларсыз ел булмас. Таңнарның

юктыр ул кояшсыз атканы.

Ялгышып, өметсез сүзләрен

кемнәрдер теләсә әйтергә,

тыңлама беркемне! Бары тик

Аллаһның рәхмәтен хәтерлә! 

 

"КУ" 12, 2021

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: