Шигъри фикерләр

Моң

Асфальтны тишеп чыккан чәчәкләр:

«Кайчандыр монда да болыннар иде...»

Истәлек

Кичке порт-шәhәрләрнең матурлыгы

яшьлек хатларыма бизәк булып төште...

Кораблар

Парлы акчарлаклар күргәндә,

диңгездәге кораблар да сөю кораблары,

гаилә кораблары булып тоела...

Сабырлык

«Сабыр төбе – сары алтын», диләр.

Уйласаң, күпме алтын киткән бездән...

Күкләр хәтере

Һәр халыкта бар: матурлар hәм батырлар...

Күкләр хәтергә алып карап тора,

ә кешеләр онытырлар...

"КУ" 9, 2020

Фото: pixabay