Шигъри фикерләр

***

Кояшның чыгуы hәм батуы –

күкләрнең бер күз кысуы...

 

***

Хаклык –

Кешене hәр көн чакырган офыклар...

 

***

Коръән –

Кешене фани ярдан бакый ярга илтүче кораб...

 

***

Ерак офыклар –

Укып бетереп булмаслык китап,

куып җитеп булмаслык аргамак...

 

***

Карлар –

Күктәгеләрдән җирдәгеләргә

сөю хаты ташучылар...

 

***

Яз җиткәч,

Кар тәңкәләре суга әверелеп,

кышка кадәр кача-кача уйныйлар...

 

"КУ" 9, 2020

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: