Сагышлы мирас
Булганбыз без эре халык, тере халык. Гасырларны кичә-кичә вакланганбыз.
Булганбыз без эре халык, тере халык.
Гасырларны кичә-кичә вакланганбыз.
Ваклансак та, без һаман да рухи Алып:
Тукай булып, Сәйдәш булып сакланганбыз.
Ни әйтсәң дә, Алыплардан яралганбыз.
Шул нигездә торасыбыз, корасыбыз.
Чәчелгәнбез, сибелгәнбез, таралганбыз.
Бабайларның бик сагышлы мирасы без.
Алып бабай тубалыннан чәчелгәнбез.
Үсмәсен дип, чирү булып килгән ятлар.
Өзелмәслек тамырдан без, нәселдән без,
Җанга сеңгән моңсу җырлар, риваятьләр.
Ак син, җырым, Әтил сыман дулкынланып,
Тыңла, бала, шул дулкынны, уйга талып.
Бабаң менгән рухи үрдән төшә күрмә,
Төшә күрмә, Алыплардан калган халык!
"КУ" 05, 2020
Фото: pixabay
Теги: поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
Еллар узды...Еллар узды... Шул елларда планнарны кемдер бозды. ...............Кайтмады үч, сынды кылыч, бетте көч- дәрт, дәрмән узды. ................. ...Уңды инде милләтемнең җете- яшел әләме дә, ....................Үтмәсләнде милләтпәрвәр әдипләрнең каләме дә... ................. ....Җилферди җил уңаена яшел төсе уңган әләм... ............Шаулаштык та таралыштык...Шуның белән вәссәләм! .................. ...Сәйлән (Ләйсән Мөгътәсимова)
0
0