Логотип Казан Утлары
Шигърият

Өйрәтче...

Әйт әле, Карлыган куагы, Сине җил Аланнан куамы?

Әйт әле,

Карлыган куагы,

Сине җил

Аланнан куамы?

Эчтәрәк

Җимешләр өлгерә.

Монда бит

Җил генә йөгерә.

Миңа да

Эчкәрәк керергә,

Урманның байлыгын

Күрергә.

Бәлки, мин

Табармын кирәкне,

Тормышым

Эзләргә өйрәтте.

Аңламыйм:

Шыңшыймы, көләме?

Бик сәер

Урманның гүләве.

Күрәме

Янына килгәнне,

Эзләнеп,

Җанына тигәнне?

Нишлисең?

Урманга сузылам.

Аның бит

Куенында мин туган.

Өйрәтче,

Карлыган куагы,

Урманның

Булырга кунагы.

"КУ" 9, 2019

Фото: pixabay

Теги: шигырь поэзия татарча шигырь

Иң мөһим һәм кызыклы язмаларны Татмедиа Telegram-каналындаукыгыз

Нет комментариев