Наратлар үрмәли күккә

Наратлар үрмәли күккә,

Аяк астында ылыс.

Нарат ылыслары кебек

Яшәү чәнчүле, кырыс.

Урман һавасы саф, җиләс,

Агачка үлән сарган.

Сарылган да тирә-юньне

Сихри бер ямьгә манган.

Күл өстендә – пар үрдәкләр,

Күл буенда – гашыйк пар.

Күл янында тирәлектә

Моңлы бер тынычлык бар.

Искән җилгә яшел үлән

Назланып башын ия.

Туган ягым, табигатең

Яшәр өчен көч бирә.

 

"КУ" 11, 2016

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: