Шигърият
Намусы кушканча яшәгән адәмгә
Югыйсә ничә кат теленгән йөрәгем Төрелгән меңдә бер әрнүле ямауга.
Намусы кушканча яшәгән адәмгә
Тереклек итүе бик кыен заманда;
Куштанлык – мактаулы, туры сүз әйтүче
Әйләнгән вакытта иң соңгы яманга;
Кулыннан эш килмәс кадерле кызына
Берәүләр урлашып, йорт салган чагында;
Әйтерсең, бар нәрсә, хәтта ки дөньясы
Корылган дәвердә хәйләгә, ялганга;
Әдәбең, әхлагың – искелек калдыгы
Саналып, заманга яраксыз булганда;
Башкалар күзендә син кадим мулладай,
Тик читтән таягың селкетеп торганда;
Күңел бит (нишлисең?!) һаман да ышана
Яманлык тез чүгеп, яхшылык җиңүгә.
Югыйсә ничә кат теленгән йөрәгем
Төрелгән меңдә бер әрнүле ямауга.
"КУ" 06, 2021
Фото: pixabay
Теги: шигырь поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
???
0
0
0
0
??
0
0
0
0
Молодец, Лениза, вперёд!!!
0
0
0
0
МОЛОДЕЦ ЛЕНИЗА ???
0
0
0
0
Лениза Валиева тирэн эчтэлекле шигырь язган. Тавышым ана. Молодец.
0
0