Җөмһүрият

Ил дип янган күпме буыннарның

Ал хыялы булып аткан ул таң.

Казан губернасы урынында

Җөмһүрият!

Татар иле.

Ватан!

Күпме өмет, күпме ашкынулар –

Ымсындырып торган яңа тормыш!

Һәр халыкка тигез хокук биргән

Совет иле өчен көрәш, тырыш!

Бер уйласаң, кул сузымы ара,

Тарих өчен ни ул гасыр – йөз ел!

Тик милләтне саклап калу өчен

Кичтек кабат бу йөз елда йөз юл!

"КУ" 6, 2020

Фото: архив