Логотип Казан Утлары
Яңа исемнәр

Миллионлы шәһәремдә...

...Шул йөзләрнең барчасыннан Берсе бик якын миңа.

Миллионлы шәһәремдә

Миллион йөз чагыла.

Шул йөзләрнең барчасыннан

Берсе бик якын миңа.

 

Меңәрләгән машиналар

Тыз да быз чабып тора.

Җанга уелган санлысын

Күзләрем табып тора.

 

Йөзәрләгән таш биналар

Чатлары, почмаклары...

Һәркайсының бар күңелдә

Сакланырдай чаклары.

 

Бихисап исем-дәшүләр –

Ишетүем сак минем.

Берсен-бердәнберен генә

Күңелемдә саклыймын.

 

Миллионнан да, дистәдән дә

Табыла эзләгәне…

«Яратам!» – дип дәшсен иде

Өметем өзмәгәне...

 

"КУ" 11, 2017

Фото: pixabay

Теги: шигырь поэзия

Иң мөһим һәм кызыклы язмаларны Татмедиа Telegram-каналындаукыгыз

Нет комментариев