Мәңгелек искәртүе

Кайчак вакыт төссез ага башлый,

серле чоңгылларын ләм баса...

Изрәр йөрәк кинәт дертләп куя –

шомырт чәчәк аткан лабаса!

Еллар көен тоя алмый адәм,

тымык мәгарәдә тын ятып.

Гамьне ямьгә төрә яңа чынлык –

шомырт чәчәк аткан төнләтеп!

Моңсуланып калдым мәңгелекнең

чираттагы сихри таңында;

сискәндерде аның искәртүе –

шомырт чәчәк аткан тагын да!..

"КУ" 7 (июль), 2019

Фото: pixabay