Менәр кыям
Бөеклеккә дәгъва итмим –
Аллаһ бөек.
Түбәнгә дә тәгәрәмим –
Танылыйм дип,
Лаек булсам, булмасам да,
Дан алыйм дип.
Һәр кешегә фарыз-тиеш
Гамәл үтим.
Әз булса да, яктылыкка
Өлеш кертим.
Тузан бөртегедәй эзем
Салып китим.
«Динем!» – димен, «телем"!» – димен,
Янам, көям.
Мәңгелектә алар алда
Менәр кыям.
Динем, телем сулышын мин
Җанда тоям.
"КУ" 8, 2020
Фото: pixabay
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84