Матур омтылыш
Ашыгырга кирәк, ашыгырга,
Гәҗит-журналларда басылырга.
Бимазалап йөргән уй-хисләрем
Шигырь булып тиеш ачылырга!
Йөгерергә кирәк, йөгерергә,
Әйтәсене әйтеп өлгерергә.
Бу дөньяда дөрес яшәдемме?
Рентген аша телим күренергә.
Кабалану кирәк, кабалану,
Артта калсын әрнү, табалану.
Максатым бит, изге эшләр кылып,
Мөмкин кадәр күбрәк савап алу...
"КУ" 01, 2016
Фото: pixabay
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84