Шигърият
Күзне йомсам – Аккош күле...
Күзне йомсам – җылы хисләр – Нурлы Казан күңелдә, Күзем ачсам – кояш балкый Барселона күгендә.
«Испания дәфтәре«ннән
***
Күзне йомсам – Аккош күле,
Ап-ак дөнья, кар-буран,
Күзем ачсам – Урта диңгез
Бер – өнем, бер – төш сыман.
Күзне йомсам – җылы хисләр –
Нурлы Казан күңелдә,
Күзем ачсам – кояш балкый
Барселона күгендә.
Күзне йомсам – Аккошта – кыш,
Зәмһәрир суыклары...
Күзем ачсам – яшел пальма,
«Монах» тутый кошлары...
Бер йомам да бер ачамын
Күзләрне, шулай итеп,
Истәлекләр җылысында
Сагышларны эретеп.
"КУ" 11, 2016
Фото: pixabay
Теги: шигырь поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
....Бер йомамын, бер ачамын... ........ Күзләрне шулай итеп. (“Күзне йомсам- Аккош күле” Сөләйман) .......... ... Күзең йомсаң, күзең ачсаң .... ...Күзең йомсаң- Татарстан, күзең ачсаң- Испания... ..........Калган илең- Мытарстан, торган илең- Мечтания... ......... ...Сәйлән ( Ләйсән Мөгътәсимова)
0
0