Кыр казлары

Кыр казлары безгә таныш инде,

Алар китү безгә сагыш инде.

Җилпи күкне ап-ак канатлары –

Җанга кага китү набатлары.

Һаваларны кисә кайтавазы:

«Киткәннәрнең мөмкин кайталмавы!..»

Болытларга бәрелеп килә бер сүз:

«Ничек яшәрсез соң инде безсез?!.»

Киткән казлар кире кайтыр микән?

Яшьлек таңым чәчәк атыр микән?

Бәргәләнәм шушы уйларымда,

Күк чәчәкле инеш буйларында...

"КУ" 6 (июнь), 2019

Фото:

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: